Мен Халықаралық ақпараттық технологиялар университетінің (IITU) 3-курс студентімін. «Цифрлық журналистика» мамандығында білім алып, журналистика саласында өзімді жан-жақты дамытуға тырысып жүрмін.

Журналистикаға қызығушылығымның басты себебі — адамдардың оқиғасын көрерменге қызықты әрі түсінікті жеткізу. Әсіресе спорт тақырыбына қызығамын. Футболды жақсы көремін және спорттық оқиғаларды түсіру, репортаж жасау, сұхбат алу маған ұнайды.

Оқу барысында фото және видео түсіру, ақпарат жинау, сұхбат жүргізу, жаңалық дайындау сияқты дағдыларымды дамытып келемін. Практика кезінде түрлі спорттық жарыстарды түсіріп, материал дайындау арқылы камера операторы мен режиссерлік бағыттың да маған жақын екенін түсіндім. Маған шығармашылықпен жұмыс істеу, жаңа идея ойлап табу және көрерменге ерекше контент ұсыну ұнайды.

Бос уақытымда футбол ойнағанды және көргенді, спортпен айналысқанды ұнатамын. Сонымен қатар жаңа жобалар ойлап тауып, медиа саласындағы заманауи форматтарды зерттеуге қызығамын.

Болашақта өз саласында ерекшеленетін кәсіби маман болып, заманауи әрі сапалы медиа жобалар жасау — басты мақсаттарымның бірі. Өз білімім мен тәжірибемді үнемі жетілдіріп, журналистикада өз қолтаңбамды қалыптастырғым келеді.